طرق المراجعة قبل الامتحانات مع الاطفال:درجات كاملة بسهولة

ramadan khaled

الثلاثاء, مايو 30, 2023

(0)

المراجعة مع الاطفال قبل الامتحانات نصائح للحصول على درجات عالية

المراجعة شيء مهم جدا قبل الاختبارات لان من خلال المراجعة انا بربط كل موضوعات المادة التي تعلمها الطفل خلال العام.

الكل يعلم انا هناك فرق كبير بين المراجعة والمذاكرة .

المراجعة:نقوم بمراجعة مجموعة كبيرة من الموضوعات التي درسها الطفل خلال العام الدراسي.

المذاكرة: ان يتعلم الطفل معلومات جديدة تماما لم يكن يعرفها من قبل.

بعض اولياء الامور قبل الاختبارات مباشرة يجد نفسه امام عمل ضخم وصعب وهو المراجعة مع الطفل ولا يعرف كيف يتصرف؟

لذلك عزيزي ولي الامر لا داعي للقلق سوف نشرح طريقة المراجعة مع الاطفال واتمنى ان يكون الموضوع مفيدا لكم ان شاء الله.

اول شيء خلينا نتفق ان احنا لازم طول العام الدراسي نكون عاملين حساب المراجعة وفترة الاختبارات يعني طول العام تذاكر مع الطفل باستمرار.

تاني حاجة يجب ان نتماسك اعصابنا في تلك الفترة الصعبة ونتمتع بالهدوء ونبتعد عن التوتر لان ذلك التوتر ينتقل الى الطفل تلقائيا .

ثق في الله تعالى ان كل شيء مكتوب واذا قدر الله لطفلك ان يحصل على درجات عالية سوف يحصل لذلك علينا السعي والتوفيق على الله سبحانه وتعالى.

طرق وخطوات المراجعة مع الاطفال:

1-اعطي للمراجعة الوقت الكافي

مهم جدا انك تكوني عملة حساب المراجعة قبلها بفترة انك هيكون عندك وقت للمراجعة عشان متظلميش المراجعة خاصة انك هتراجعي مقرر في المنهج كبير عشان كدة لازم تعطي للمراجعة حقها.

2-اعمل جدول للمراجعة خطط للمراجعة

مهم جدا اني انظم وقت المراجعة من خلال عمل جدول مراجعة يشمل كل المواد اللي موجودة عند الطفل بحيث اني اعطي كل مادة حقها واقدر انظم وقت المراجعة على المواد.

جدول المراجعة اكتبه يدوي او على الموبايل اللي يريحك.

3-اعرف مصدر المراجعة بتاعتك

كل مادة لازم تكون عارف مصادر المراجعة – يعني هتذاكرة من أوراق عمل ولا تدريبات ولا مراجعات كل حاجة تكون مجهزة.

لو معندكش أوراق عمل وتدريبات يبقى هتستخدم الكتاب المدرسي وتعمل التدريبات يدويا.

انسخ أوراق العمل والمراجعات والامتحانات القصيرة اللي اخدها الطفل طول العام لكل مادة على حدة.

4-معرفة مواصفات وطريقة الاختبار.

يجب على ولي الامر انه يعرف الدروس التي ستدخل الاختبار وكذلك مواصفات الاختبار اللي هي طريقة الاختبار وشكله هيكون كيف – هل فيه أسئلة اختيارية ام أسئلة مقالية ام توصيل.

نوع الأسئلة في الاختبار"طيب ايه ده يا أستاذ اعرف ده من فين؟"

-ممكن عن طريق اختبارات العام الماضي دور على نماذج ليها عشان تعرف طريقة الاختبار

-أو عن طريق ان اسأل معلم الصف عن مواصفات وشكل الاختبار وطريقة ونوعية الأسئلة اللي فيه –" طبعا مش تتصل بالاستاذ وتقوله ايه الأسئلة اللي جاية في الاختبار ههه"

5-اختار مكان هادئ ومناسب للمراجعة

حتى نضمن التركيز الكامل للطفل وعدم التشتت

6-اعرف الهدف من المراجعة

مهم جدا ان يعرف الطفل المطلوب في المراجعة في كل يوم على سبيل المثال " اليوم سوف نراجع العربي هنخلص وحدتين".

7-السرعة في تغطية كل جوانب المادة

طبعا المفروض الطفل أساسا عنده فكرة عن المادة قبل كدة في المراجعة انا المفروض هفكرة بكل المنهج ومطلوب منك تغطي المنهج كله في المراجعة.

هبدا اشوف الأسئلة الاختيارية او صح وخطا او اكمل الأسئلة البسيطة كلها اراجعها مرة واحدة.
يعني افكر الطفل بكل الأسئلة مع بعض فرضا 20 سؤال مثلا بسرعة.
بعد كدة ابدا اسال الطفل اشوفه فاكرهم ولا لا الأسئلة اللي مش فاكرها اراجعها معاه تاني لحد ما يتقنها.
بعد كدة ابدا في مراجعة الأسئلة المقالية اراجع وافكر الطفل بها وبعد كدة اخليها يكتبها.
وهكذا لحد ما اخلص من كل الأسئلة.
في النهاية امر على كل المادة كلها.

8-لا تطلق احكام على مدى مذاكرة الطفل امامه.

وانت بتراجع مع الطفل ممكن يكون ناسي حاجة متظهرش قدامه أي مشاعر نهائيا

زي انك حاسس بالإحباط منه وانت دايما بتدايقني وانت ناسي كل اللي ذاكرتهولك وانت هتسقط بكرة

شجع الطفل وحفز على قد ما تقدر واشتغل معاه واجتهد بدون ما تظهر أي مشاعر سلبية حتى لو جواك فعلا مشاعر سلبية حاول متظهرش المشاعر دي قدامه واعمل اللي عليك وصدقني ربنا مش هيضيع تعبك ومجهودك

9-التعاون مع جروبات أولياء الأمور

قد يكون انت ضعيف في مادة معينة مثلا الرياضيات لكن ممكن يكون ام طفل تاني زميل لابنك في المدرسة تكون قوية في المادة هذه ممكن تاخدي منها أفكار في مراجعة المادة لابنك او أفكار في المذاكرة لابنك مش غلط بالعكس هتلاقي ناس عندها أفكار حلوة ممكن تفيدك.

في النهاية اعمل اللي عليك والباقي كله على الله سبحانه وتعالى الدرجات مش كل حاجة فيه حاجات تاني تفرق كتير زي الادب والأخلاق والتربية الحسنة.

اسال الله سبحانه وتعالى لي وليكم التوفيق في تربية الأبناء وشكرا والسلام عليكم ورحمة الله